لاتصالح

دم وتصالح؟ نصيحة لا تصالح في طعونك
والله ان الدم غالي حيل وأنت أغلى من الدم!
لا تقول الحادثة جت با الخطا ما يقصدونك
انته ابن ادم وتعرف حادثة أبنيّ ادم!!
أكلت النيران قربانك وجوك بياكلونك
وكفروا باالاية الكبرى وقالوا عنك مسلم!!
لا تصالح خل من لا يعرفونك يعرفونك
وانهم وان كانوا ونعمين فانته سبعة انعم!
خانتك نظرتك مره واحترص مره تخونك
تسلم الجرة مية مره ومرة كيف تسلم!!
صد عنهم لا يكلمهم سوى نظرة عيونك
والله ان الجفن بعض احيان ساطي لا تكلم!!
الشفاه اللي خناجرها تمادت في متونك
كيف تبكيها وهي يوم طعنت كانت تبسم!!