مواضيع اليوم
كلهم كلهم
أسوأ ما يمكن ان يحدث لك ان يبتليك الله بعقل متحجر فتصبح من اصحاب الفكر الثابت والمبدأ الواحد
وهذا يرتبط بالضروره بما اسميه ( كبر الفكر ) بمعنى ان انت اللى صح وكل ماعداك باطل
وكل من يخالفك الرأى اما جاهل او مبتدئ او ساذج او مضحوك عليه او خائن ........لأ و حمار كمان
ياترى مين تعرفه كده؟؟؟؟؟
لو كنت مصرى بسيطه
بص فى المرايه وانت تعرف
عشان كده هتلاقى ناس بتشتم فى الشرطه والجيش
>>> الشرطه كلها والجيش كله
وازاى انهم يستاهلو الحرق طب يابن الحلال مش كلهم كده
...فيهم ناس كويسين وبيموتو شهداء فدا امن الوطن
يرد عليك:::
بقولك ايه ؟؟؟
انتا اصلك ما تعرفش (قصده جاهل )
ولسه جديد فى السياسه ( قصده مبتدئ ومش عارف ايه اللى دخل السياسه )
وهتلاقيك بتتفرج عالاعلام المصرى (قصده مضحوك عليا )
انتا باين عليك............طيب ( قصده حمار )
ونفس الحوار بالظبط الناحيه التانيه
واحد بيشتم فى (( كل الثوار ))
وازاى انهم كلهم بلطجيه و يستاهلو الحرق(سبحان الله نفس الطرح حرق برضه)
طب والسلفيين ...
واحد ليبرالى يرد عليك::: ((كلهم )) متشددين وهينقبو مصر كلها مش بس الستات دول حتى هينقبو التماثيل ويغطو وشها وهيقتلو المسيحيين ويقطعو ودان اللى يعارضهم
طب والليبراليين...
واحد سلفى يرد عليك::: ((كلهم )) شياطين وفجار وفسقه ياراجل ده انا شاكك ان كل واحد فيهم ليه ديل احمر وعنده قرنين فى دماغه حتى تلاقيهم كلهم مربيين شعرهم عشان القرون ما تظهرش
طب الاخوان....
منافس سياسى يرد عليك::: (( كلهم )) بيدورو عالسلطه وكل ما يشغلهم هو الوصول
للسلطه(مع انى مش شايف ان ده عيب يعنى)
كلهم كلهم كلهم>>>يا جماعه مافيش حاجه اسمها كلهم
واى مجموعه فى العالم حتى فرق الكوره (( ماعدا برشلونه )) فيها الكويس وفيها الوحش
بس سؤال هو ما ينفعش يبقى فى كل مكان ناس كويسه وناس وحشه ؟؟؟
هو مش فيه مشركين كفره قاتلو الرسول صلى الله عليه وسلم وماتو على الكفر وكفار اخرون اهتدو للاسلام وأعز الله بهم الاسلام
عالعموم احب افكرك
اذا كنت واحد من هؤلاء فأنت اكيد
مصرى
أضف تعليق
آخر الأخبار من إيلاف
فيديوهاتي
التعليقات (0)