كلام عبيط

 كلام عبيط "شعر نادر الأسيوطي "

بيقولو عليا عبيط

مبحبش شغل التنطيط

وكلامي صادم ولكنه

له مغزي والمعني حويط

عقلي اتلخبط لخبيط

ولقتني داخل في الحيط

إخواتي سابوني اكمني

متواضع وما كنت أليط

الأول باني عمارات

متقلشي يا خويا إمارات

طول عمري سنده وملاذه

أخرتها نتش وصراعات

والتاني يا إخونه سعودي

أملاكه وصله لحدودي

بيقولي السلفه والبمبه

ف مقابل عزي وصمودي

وتالتهم طول عمره خطر

وشاري لي محطه وقطر

بيهدد ليكون لي زعيم

أو تهمه تنزل كمطر

والباقي علي نفس الحال

سكتهم رايحه علي العال

يا خواتي ايدكم ف ايديا

حنصلح كل الأحوال

حسامحكم وأنا برضه سماح

بعزيمتنا نرجع مين راح

واخوتنا يتلمو معانا

نتوحد يا جند صلاح