كلامنا كله خنتريش........ قصيدة.. أو كما يقولون

كلامنا كله في الهوا..........كلامنا كله خنتريش
اللي نقوله نعيده تاني.........وكله يصفي علي مفيش
أفكارنا جامده أو قديمه........أفكار جديده ماتلاقيش
صاحبي ناداني وقاللي أصحي.......قلت له ما تصحنيش
وسيبني أنام وروح لحالك...........روح صحي غيري موش عايز يعيش
أنا كده مبسوط وراضي.............أنا نبات ثابت في أرضي

لا احب أكون حيوان بيجري........ولا طير يطير بجناح وريش
عايز أعيش كده في خندق.............شباكه لا زم يكون بشيش
عشان أضلم خندقي...............واغطس في نوم ماينتهيش
         ما احبش الشمس الجريئه  ولا القمر
           بحب الضلمه والدغمشيش