مواضيع اليوم
كرسي الرياسه بالمجان "نادر الأسيوطي"
يله يا جدعان مزاد الرياسه
"كلمات نادر الأسيوطي"
يله يله يا جدعان
كرسي وشهره بالمجان
سُلطه وسَلَطه ياللي جعان
مش راح تخسر غير كام بدله
خصم تمنهم م الاعلان
عايز الواد الخالي الفاضي
يقعد يرسم يعمل قاضي
يوعد يحلم يرسم جنه
نفس مسيرة الجيل الماضي
ميه اتنين وتلاته يا ريس
شوف كام واحد أصله كويس
هيّه الفكره مش بالحكمه
جسم ورسم ونت وفيّس
حبه أونطه وحبه فكاكه
المريسه مش عايزه فتاكه
المسأله سهلة وبسيطة
أسهل م الكورة والمساكه
والاعلام دا براوه عليه
كل خيوط اللعبه ف ايديه
لو عايز الريس يفضل
اهتف يا ابني اسم الله عليه
والثورة أهي في النسيان
موضه وصبحت في خبر كان
ريمه ورجعت عند خالتها
عايزه الهانم كام فستان
يله يله ياجدعان
كرسي الرياسه بالمجان
كلمات نادر الأسيوطي"
أضف تعليق
آخر الأخبار من إيلاف
من صوري
فيديوهاتي
التعليقات (0)