كدب الإعلام نادر الأسيوطي

كدب الإعلام "كلمات نادر الأسيوطي

إعلام إعلام إعلام

كدب وتضليل وظلام

وحقيقة بنهرب منها

سَبُّوبه وأي كلام

إعلام وصحابه وحوش

وفساد حتي مخلوش

دول قلبوا الحق فشوش

خفافيش وف شكل حمام

إعلام بفساده ساد

رشوان.. حموده.. جلاد

نار الفتنه بتنقاد

والنور غطوه بغمام

إعلام شُغله تلفيق

تشويه ويقولوا تشويق

عمرو وبكري وتوفيق

أبطال فيلم الأوهام

إعلام غاله وما حيّد

رمضان..هاله والسيد

كله للظلم مأيّد

عامل للمكر نظام

إعلام تهييس تسييس

وائل.. عيسي.. ولميس

حَد يزعق يا بوليس

مطلوب سحل وإعدام

إعلام مرعب ومُخيف

من شافه قال يا لطيف

باللزمه كلامه سخيف

فسق وفتنه وخصام

بالحق يا شعب إمحيه

نضف عشه وخلّيه

يكفّر عن ظلم ماضيه

ورسالته إملاها سلام

كلمات نادر الأسيوطي