كان يا ما كان

 كان ياما كان " شعر نادر الأسيوطي"

كان يا ما كان

طفل يتيم غلبان

ماتت أمه وسابته

وما يعرف لها عنوان

حزن الطفل وبان

شدة شوقه لحنان

سأل خاله عن أمه

وراحت ف أي مكان

كان للجميع ودان

وسمعوا السؤال كمان

لكن ما حد نطق

وميعاد الإجابه الآن

نطق البعض برجاء

إنه يفهم ما جاء

أمك حبيبي مسافره

قاعده هناك في السماء

نظر الطفل وبكي

وأبكي الجميع واشتكي

إزاي أمي تسيبني

وبدأ القصه وحكي

كل يوم في الدعاء

يعاتب أمه عل الوفاء

إزاي تحت مكاني

وإنتي فوق في السماء

ظل الطفل ف موال

يبكي ويشكي الحال

حتي نزل المطر

دمع أمي فجأه سال

أمي بتسأل عل الحال

هيه عايزه تشفني لكن

تاهت عن السكه يا خال