كان ياما كان كان في سوق زي عكاظ

كان ياما كان في غابر  الايام والازمان .في بلد  طلعت فيها موضة زي كل البلدان . الموضة مش من فكرهم , لكنهم زيهم زي غيرهم كلو تقليد في تقليد. طيب  والله مو عيب. يقوموا بتسكين الغرباء من الكتاب والشعراء  في الخان والاكل والشرب عندهم ببلاش مو بفلوس , شي طيب .. والبلد زيها زي كل البلاد فيها سوق ثقافي زي سوق عكاظ لو كنتو تعرفوه.. يتبادل فيه الناس الشعر والكلام والكتب. وكله بالبلده ببلاش.بعض الناس هناك في غاية الأدب , بعضهم صوته عال وبعضهم زي الحطيئة يهجو يمين ويسار. وتجار البلده مستفدين من بعيد لبعيد . لكن فيهم طبع مو عادي طبع ليئم !. الي مايعجبهم من الناس اقصد الكتاب. كانو يدخلو بيته نص الليل وهو نايم يفتحوا دفاتره ويشقوا صفحة منها ويمكن صفحتين . بس مو كل شيء . شي يشقوه وشيء يتركوه .في يوم من الايام على مااتذكر وفي عز النهار صارت بالسوق هروج وهروج .كلام عن عاداتهم  في دينهم  قالها فيهم شخص هو عنهم غريب. أصل هذا الغريب  لسانه  طويل .وزي عادته كل يوم يخرج عن الأدب ومايخاف  , اصلو له في السوق مده ومصاحب  منهم ناس كتير. صارفي ذلك اليوم  اتكلم عنهم وعن عاداتهم. الكلام  والله كبير وعيب ومايتقال. سجل واحد من الناس اقصد الكتاب كل القيل والقال وكل الي اتقال .اصلو ماكان عاجبو الحال. وخلص النهار. انصرفت الناس . طول الليل كان الرجال يفكر معقول هذا الغريب يتكلم في العيب وهما عنو ساكتين. والله امرو غريب. مو مصدق يضرب اخماس في اسداس والله برضو امر عجيب. نام. وصحي من النوم الغلبان . خرج عشان يغسل وجهه وجد ورقة على باب الحمام من هذاك الغريب .اصلو كان حاطط ورقه زيها على كل الابواب .شافه من بعيد يضحك ,اصلو ماكر ليئم ومادد لسانه. وشاف كل الناس مستغربين .قال لهم دخلنا غرفة فلان .وسجله عني مزقناه وكمان  بعض الي اتقال .وكأنه يقول عرفتوني انا كأني صاحب الخان ادخل بيتكم  زي مابدي. فهمتوا ياناس يقصد ياكتاب مو أنا الغريب . سمعنا  كلنا ومحنا مصدقين .نزلنا السوق .لقينا الهروج هروج. والكلام يزيد ويعيد . والي مو عاجبه يترك والسوق ولو بده من البلد كمان . اصلهم مسكنينهم ببلاش ومانين عليهم ليل ونهار. وصعبة والله ياناس عيشة المنان. قالوا لهم ياجماعة صدقونا عيب عيب الدخول نص الليل دون استئذان كده مايصير. رد واحد من الناس "الكتاب"المؤدبين . ياناس ترى واحد من الحراس هو الي عنده المفتاح . ويمكن صاحب الخان مو دريان. والحارس يدخل البيوت. اصلو  في الاساس  صديق وصاحب للغريب.ومو من حقك تعترض ولا تحتج . طيب ياجماعه ليش كده برضه عيب . فين صاحب الخان نتفاهم . قالو صاحب الخان مشغول . طيب نتفاهم مع مين؟. قالوا مع الحارس. سكت. وكملوالكلام, شوف بالبلده كده تصير فيها الامور وتسير.. طيب والي اتشققت دفاتره . ردو  اذا ماعجبه يسير. صحيح ياأهل الخير الي موعاجبه يسير. قالو هو كده الحال  اصلو أنت فاكر ايه . صحيح هنا سوق  زي سوق عكاظ  لكن تشوف فيه الي في الخماره مايصير.. سكتت ,وانا ماني مصدق كل الي اتقال اصله ياجماعه  والله مايصير. فجأة سمعت صوت الأذان ..الفجر. صحيت... تراني كنت بأحلم اني كنت بغابة من الناس من بره شي ومن جوا شي .وسلامتكم...