كان حلمى زمان صغير

_{^{كان حلمى زمان صغير
مكانش بالى مشغول ومتحير
كان انى اركب مرجيحه
ولا امسك طيارة واطير
كان حلمى زمان بسيط
عقلى عمره ماكان يفكر
انى يوم احلم اكبر
واتعب اكتر واكتر
عشان ييجى يوم فيه اقدر
انى اكون سعيد ومتخير
ولا اكونش حزين ومتحير
حلمى دلوقتى اكيد اتغير
يمكن يبقى ازرع بستان
ولا يمكن اصنع فستان
للبنت الحلوة الرقيقه
وازينهولها اشكال والوان
ولا يمكن ابنى قصور
اخد فيها الفقير
واقول للفقر يغور
واساويه بالأمير
ولا يمكن اكون مشهور
من غير كبر ولا غرور
اساعد كل محتاج
وابعد عن ناسى عن الشرور
ولا اكون حاكم رزين
فى وقت الشده لشعبى معين
اقف معاهم وقت الشده
و وراهم وقت اللين
ولا حلمى ابقى مناضل
ادافع عن قدسى واقاتل
ابدل دنيتى بجنه
وما اسكت على حقى اللى فاضل
ولا حلمى اكون قلم
ولا حلمى اكون علم
ولا حلمى اكون وطن
عمره ما ينذل ولا ينغلب
ولا اكون جامعه عربيه
يتجمع فيها العرب
كل دى احلام جوايه
دى عايزه امة معايه
طب حتى فين البدايه
يا ريت حلمى يطول
بدل ما ارجع من تانى
اعيد حلمى من الاول
وتضيع امالى ادامى
طب منا ليه احلم ولا كان مالى
ما كان حلمى زمان صغير
مكانش بالى مشغول ومتحير
انى اركب مرجيحة
او امسك طيارة واطير}}