قوتنا في وحدتنا {كلمات نادر الأسيوطي}
بيقول قاطع الإخوان خذلوك
يبقي اديت الفرصة للوطني يذلوك
قبل ما تاخد فكرة تضيّع بيها الصوت
فكر حبه في نفسك وف أمك وأبوك
كل العالم قالك الشرع ف صندوق
يبقي العقل دليلنا وضميرنا المصدوق
فكر حبه ف بلدك قبل ما تعمل سوء
قبل ما تيجي الكارثة ومن كاسها حتدوق
إخوتنا ف الثورة والقلب المحروق
شركائنا في الهمه والأمل المخنوق
نختارهم بضميرنا والعقل المطلوب
قوتنا ف وحدتنا نتمني لها شروق
بقرارك حتدمر اعلامنا المكذوب
وبصوتك حتحرر العبد المجذوب
وبايدك حترجع العقل المسلوب
وبلدنا تتحرر ونعمر مخروب
علشانك يا بلدنا حنضحي بمحبوب
حنسامح اخواتنا نبلع ليهم طوب
الوحدة راح تلحم الصف المشقوق
وحدتنا دي سبيلنا ف الأمل المطلوب
كلمات نادر الأسيوطي
التعليقات (0)