قمر ورا الستار "الأسيوطي"

 قمر ورا الستار"كلمات نادر الأسيوطي"

قمر ورا الستار

فرحان بكلمه

يقوللي كلام هزار

أقوله اتعلمه

خَبْي عيونه دار

ولف وانكسف

وجري ودخلُّه دار

وقلبي اتخطف

ناديت عليه أوام

بص لي من الشُرف

صوته زي اليمام

مخنوق جوه الغُرف

اطلع بره الأسوار

و رفرف وانطَلَق

هد بعزم الجدار

وودع القلق

زيح الغيوم بإيد

ونور السما

الدنيا النهارده عيد

شيل يلّه الغُما

طلع وهل الجميل

وبدد الظلام

م الفرحه غنيت ياليل

وبدأنا الكلام

كلامه كان رقيق

بيشبه الغنا

طلبته يكون رفيق

ونسعد بالهنا

بكي وقال شَريك

واتمني الرضا

لكن ليّه شِريك

وراضي بالقضا

حسيت بكوية نار

بجري ورا سراب

بكي ورا الستار

ودخل وسك الباب

كلمات نادر الأسيوطي