قلبي موجوع " نادر الأسيوطي"

 قلبي موجوع "كلمات نادر الأسيوطي"

قلبي موجوع آه ياني

م اللي شوفته وبكاني

أدي الصور وبتتكلم

أما الحقيقة شئ تاني

من الصور قلبي إتألم

جروح وفي القلب تعلم

وكل لما اتخيل

ألقي الدموع دي بتتكلم

علي الحروف شايف منظر

اهتز جسمي راح قشعر

وقف له شعري واتلون

غلب بياضه اللون لأسمر

دخلّت جوه الصورة

لقيت قلوبنا مذعورة

الجرح غور واستفحل

والقتل حصري وبالتُورة

الخوف صبح من أصحابنا

بيدق ليلاتي أبوابنا

أما القلق اصبح سيد

كبير عيلتنا وأقربنا

كابوس وطالت أيامه

صبح الشيطان من خدامه

أقوم وأنام علي الفجعه

ازاي أطبب له آلامه

يارب استرها علينا

واضعف شيطانا واهدينا

وقوّي في النفس التقوي

ونرسي بحب علي المينا

كلمات نادر الأسيوطي