قلبى بيحبك

أحبك من جوه قلبى
واهديك كل مشاعرى
وعلشانك اتحدى دنيتى
مش عاوزه منك اى شئ
غير بس همسه أو كلمتين
تطمن
بيهم قلبى المشتاق
وانسى بيهم كلمه فراق
مش عاوزه غير حبك وحنانك
واعيش معاك اجمل ايامك

عاوزاك تعرف ان اللى
اتعلق بيك هو قلبى وروحى
خليك انت الروح
اللى أتعلقت بروحى
وانت القلب
واللى هنسى معاه كل المى
واللى بأيده هيداوى جروحى

حبيبى
بقف قدام صورتك بخيالى
بشوف عنيك دايما فى احلامى
وبنام وانت صورتك فى أحضانى
وبدعى يارب تكون انت فارس احلامى
يارتنى أقدر
أبعد عنك أو أنساك
بس انا مملكش غير حبك وهواك
هنادى بأعلى صوت وأقول بحبك
وهحفر أسمك فى قلبى واقول عشقتك
وهقول للناس كلها عن حبى ليك
وعن الحنان اللى هعيشه وانا بس بين ايديك
نفسى أشوفك
وألمس أيديك أبص فى عنيك
وأسلمك مفتاح قلبى هديه بس ليك
لانى هبقى
أسيره حبك
علشان بحبك
عرفت معنى الحب
انا لما شفتك
وخلاص من النهارده مش هعرف غير كلمه
أحبك