قصيــــــــــدة غزليــة

ماجور ياغِروٍ سقاني بريقه= أنهل وعل إلين بريت جروحي
لويت كفي بالبيوت الدقيقة= وكنيت من ريحته وردٍ يفوحي
هميت واذكر للعهود الوثيقة= يقول امانٍ يابعد روح روحي
مااحلى على متنه تدعثر دليقه= ضافٍ على سنم الردايف سبوحي
لاشاحمٍ جدا، ولا بالدقيقة= فلوٍ معزلها حليب المسوحي
إن سار يصْغيه الهوا عن طريقه= نبنوب موزٍ وانْ تمايح ردوحي
حِلْياه من حِلْيا جوادي مويقْه= بطنٍ ووركٍ للقزيزي رموحي
زرع الحشا من شد هجره حريقة= قلبي مع العنقا الهنوف الطموحي
والله مايجلي عن الصدر ضيقه= إلاّ ملاعب كل خودٍ مزوحي[/