قصيددة غربة

عشان ع الغربة متعود
فقد حضن الوطن قيمته
فقد حضن الحبيب حاجة
ماعادش ف عز تغريبته
يحس بغربة ولا حاجة
ماعادش لحد متشوق
ماعادش بحد متعلق
ماعادش ضروري يتزوق
ويشغل نفسه بدباجة
خروجه بتوبه من أرضه
كسر معنى الفراق عنده
هايعمل ايه الفراق مع عود
زمانه من الجدور شده؟
وهو البعد بعد البعد
زي البعد ف بدايته؟!!
مفيش احساس بنشعر بيه
بدايته بتبقى كنهايته
وهو الغربة سكنت فيه
وصار البعد دا هوايته
يواجه ليه في جبهة ف ثانية
ممكن عنها يتغرّب؟!!!
يحارب ليه عشان انسان
بيبعد عنه ويقرب؟!!
ومرة ف مرة يتدرّب
يعيش عن نفسه متغرّب
يشرق ولا بيغرّب
ما يلقى ف كل أرض الله
ما يلقى ف كل خلق الله
وطن على كتفه يتسند
فيدخل دايرة مقفولة
عشان يوم خرجته الأولى
جُبِر ع الغربة يتعود

https://www.facebook.com/#!/Wahi.3qlamy