قصيدة ناوالله ( بقلمى )

ناوالله

ناوالله مانزعل فحد .. ديمة نسامح مانبقى عنيد
ولد اجواد من بويا لجد .. عندى رفقة ومانبقى وحيد
دوم معاى فحياتى السند ..غلاهم دوم ساكن فالوريد
ناوالله
ناوالله معروفة اطباعى .. فوقت الجد تلقانى شديد
ومع الاحباب تلقانى حنون .. بكل الحب نعاملهم سعيد
نفرح دوم وين يبقو معايا .. ليهم حب فى قلبى يزيد
ناوالله
ناوالله مانحبش الخونة .. ومالتفكير شايلها بعيد
والكذاب بنخيب ضنونه .. يموت بنار فى قلبه تقيد
تشعل دوم فى جوه كنينه .. يحس بكسر مايلقى ضميد
ناوالله
ناوالله مانحب التكبر .. والمغرور فى عزله وحيد
يحس الناس ديمة ماتقدر .. وهو بس اللى بعقله يشيد
ومافى الراى لغيره يعبر .. كل الناس يبيهم عبيد
ناوالله
ناوالله بنرافق اجواد .. اللى عالصح ماتفكر تحيد
معاهم دوم يرسملى ميعاد .. كلام اصول ماعمره يبيد
فيه الحكمة قالوها اجداد .. عاشو قبل من ماضى تليد
ناوالله
ناوالله مانزعل فحد .. ديمة نسامح مانبقى عنيد
ولد اجواد من بويا لجد .. عندى رفقة ومانبقى وحيد
دوم معاى فحياتى السند ..غلاهم دوم ساكن فالوريد