مواضيع اليوم
قصيدة لما القلب (( بقلمى ))
قصيدة بعنوان (( لما القلب !!!!!!!!!!)))
تقول كلماتها :-
لما القلب يلاقى حب ... ويحس بنبضات حنان
ساعتها بيضوى الدرب ... وتتجلى عنه الاحزان
ويلاقى المحبوب حبيبه ... وبعد غياب ييجيه نصيبه
وكلنا بنعيشوا فأمان
لما القلب يلاقى حب
لما القلب يود انسان ... ويعطيه محبه بلاقياس
يرتاح ويبدى مطمان ... ومعاه بنوره وناس
نحس احساس يكون غريب ... وين يقرب جنبى الحبيب
شعور اللى يبدى عشقان
لما القلب يلاقى حب
شعور نحسه لأول مره ... هز كيانى بلى فيه
سعادة ومودة ومسرة ... وقلب يدق انخاف عليه
حب ويامحلاه الحب ... فوق ارياف الشوق يهب
ويريح قلبى التعبان
لما القلب يلاقى حب
نا قلبى تاعب من غيره ... وخصوصا لما يتباعد
بيخلينى دوم فحيره ... والشوق فبعده يتصاعد
وتهب ارياحى المشتاقة ... والدمعة تنزل حراقة
ونبقى من بعده ولهان
لما القلب يلاقى حب
ولهان وشوقى قاتلنى ... وفبعده ربى يصبرنى
عن حالى ماحد نشدنى ... ولامن باخباره طمنى
خلونى نعانى فى الويل ... مالقيتش من بعده حيل
مجرد بقايا انسان
لما القلب يلاقى حب
لما القلب يلاقى حب ... ويحس بنبضات حنان
ساعتها بيضوى الدرب ... وتتجلى عنه الاحزان
ويلاقى المحبوب حبيبه ... وبعد غياب ييجيه نصيبه
وكلنا بنعيشوا فأمان
وكلنا بنعيشوا فأمان
تحياتى للجميع من القلب الى القلب
التعليقات (0)