مواضيع اليوم
قصيدة بعنوان (( عيد حساباتك )) بقلمى
نقول فيها:-
عدحروف العد وحاسب ... وكررها معاى حساباتك
بالك تلقى عليا ديون ... وغلطة من بين كتاباتك
وتجينى ومنها بتلوم ... وتقولى زادت سياتك
لكن خوذ كليمة منى ... وافهمها قبل كليماتك
وافتحلى وذنك واسمعنى ... خلى نعددها غلطاتك
وزى ماجيت وبتحاسبنى ... فكر شن داير فحياتك
عددها لوكان يفيدك ... وتكلم ماتشاور بيدك
لوناسى قولى وانزيدك ... نشبعها كلها غياتك
انا عارف ماحاجة تكيدك ... وسواس ويملالك راسك
خلى فقلبك ديمة عيدك ... ونورها بالحب حياتك
عد حروف العد وحاسب ... وكررها معاى حساباتك
ولكم كل التحية ويجب ان نتذكر دوما
اننا بشر ونخطئ دائما ومثلما نحن نخطئ
غيرنا يخطئ لذلك التسامح وصفاء القلوب يجب ان يكون متواجد بيننا دائما.
تحياتى
التعليقات (0)