مواضيع اليوم
قصيدة (( الصاحب))
قصيدة بعنوان (( الصاحب ))
نقول فيها
مش كل من يضحك اتديره صاحب
ولاكل من يقرب تقول حبيب
الصاحب اللى مافيك يرضى العيبة
ولايوم عنك يبتعد ويغيب
مش كل صاحب بالمحبة يودك
ولاكل واحد كيف خوه ايعدك
الصاحب اللى مايجى ويوقف ضدك
ومايوم ظنك فيه يبدى ايخيب
لايوم يبعد عنك
له صدر تشكيله ويوسع همك
ولوكان المصايب جنك
يواسيك يبقى معاك دوم قريب
لايوم تشكى منه
ولاتجيه شكوى لاملامة منك
معاك فأوقات الرخا والشدة
ولوجاك جرح يكون ليه طبيب
ديمة يداوى جروحك
قلبه حنون وبالوفا مليان
يقدر جميع ظروفك
لايلوم لاعنك فيوم ايعيب
يحبك بكل اخلاص
ومعاك ديمة فموعده بيجيك
مايوم يتخلف على ميعاد
مايبتعد ديمة احداك اقريب
مش كل من يضحك اتديره صاحب
ولاكل من يقرب تقول حبيب
الصاحب اللى مافيك يرضى العيبة
ولايوم عنك يبتعد وايغيب
تمت
التعليقات (0)