قدر ومكتوب

لجدتي حكايات

مليانه مفاجئات

قصص حلوه جميله

فيها عبر وعظات

حكت لي حَبه

عن شاب وشابه

إتقابلوا بالصدفه

في سوق بمكه

كانت الشابه جميله

قرب الشاب بحيله

لمس ايده بإيدها

ودِي كانت الوسيله

نظرت الشابه إليه

ودعت بصدق عليه

سمع بس يا رب

ورفع هوه ايديه

دعي ربه كمان

وتمتم بكلام جنان

سمعت منه يا رب

وهيه قفله الودان

بمجرد ما هوه رآها

قرر يمشي وراها

جميله وقلبه مال

وقال ف نفسه أهواها

ركبت في قافلة سير

وهوه وراها يسير

لكن وسط الطريق

وقفت تقول يا أمير

عُقدي يا ولّدي راح

عمري ابدا ما ارتاح

إلا لما تلاقيه

وترده ليه بنجاح

أمر الأمير يا حرس

وقرع ليهم الجرس

هاتوا السارق أوام

ودوسوا عليه بالفرس

ما في عقد لاقوه

لكن لقوا المعتوه

مسكوا الشاب يا ناس

وقدام الأمير حطوه

قاله الأمير طلّع

وإلا ايديك حقطع

نكر الشاب السرقه

وبص في خوف واتطلع

قطع الأمير كفيه

والشاب ما يعرف ليه

لكن بعد شويه

بنته جريت عليه

أنا ياأمير نسيت

والعقد كان في البيت

شعر الأمير بالندم

وقاله عليك أسيت

سامحني أنا هنتك

وراحت ايديك وزنتك

اطلب تحت امرك

قاله جوزني بنتك

وفي ليلة الجواز

سألها وبإيجاز

دعيتي قلتي ايه؟

لما كفي لإيديكي حاز

دعت هيه عليه

ربي اقطع ايديه

لمس ايدي حرام

شمّتني يا رب فيه

سألته نفس السؤال

ودُعاك علي ايّة حال؟

رد وقال دعيت يارب

جوزها لي في الحلال