قبل لا اروح

قبل اعلن رحيل الحرف

وامسح ماضي من ذكراه

بسولف لك ..

وابكي في ظلام الوقت

وانسى عندك احروفي

قبل لاتطيح دمعاتي

طلبتك احضن ادموعي

قبل امسح دموع الأمس

وتطيح نفسي من عيني

طلبتك ..خلك بعيني!

قبل لااروح ..

احب اقول لك كلمه.؟!

ذبحني صمتي وصمتك

ذبحني سكون هالعالم

وثلجن باقي بصدرك

عيا يذووب..!!!

قبل لا أروح..

أحب اقول ..

عجزت ابوح

وعجزت تبوح

وصار الصمت اجمل بوح.!

كفايه تعتذر مني بدون اسباب.!!

جا دوري ابتعذر ..!

لكن بعتذر مني .!

من صمتن شقا فيني

من جروحن تصيح بآآه

ومن وقتن غدا مشغول

من كلي /من بعضي

من ادروبن خذلها الشوق

من افكارن سكنها الوصل

لاني قلت لجروحي..؟!

مصيره بكره يتغير..

ولكن للاسف ..(كلمه).!

تغيب الشمس في صبحي..

وتشرق ظلمه بعيني..

ولازال الامل باقي

في قلبي وبكره الآتي..

بيتغير زمان الناس وزماني

لكن دنيتك ظلمه ماتتغير ..!!