فتاوى دليفرى .. بقلم مصطفي صادق المهدى

 عايز  فتاوي  متفصله 
 و تكون  مقاسي 
فتوي سريعة متوصله
كده عالكراسي
فتوي تطلعني بطل
من غير ما أقاسي
ويقولوا عني واد تقيل
من يومه راسي
مولود قيادة مخضرمه
ناشط سياسي
عايز فتاوي متفصله
وتكون مقاسي
إدوني فتوي عالسريع
اتنين في واحد
والناس تشوفني عالشاشات
يوماتي قاعد
يقولوا صفوة مجتمع
نخبه وواعد
فتوي تخليني شجيع
ونجم صاعد
إشمعني أنا يا ناس يا هوو
ماالكل قاعد
عايز فتاوي متفصله
وتكون مقاسي
فتوي دلفري متوصله
كده عالكراسي