غيــابه مـــوت يتكــلم

2011-09-27 13:09:01

غيابه موت ينازعني..

على روحي..

يتشبث وانا اتشبث..

يبي من جسدي يخلصها..

وهي تستنجد وتصرخ..

وتبيني أقنعه يمهلها..

عندها امل يرجع..

وتشوفه و يطمنها..

أسألها وتجاوبني

وبزفرات تتنهد

أسألها ياروحي

صبرك وين..؟؟

قالت:صبري دمعه

في جفون العين..

أداريها...

أصبرها..

وبالأمال اهديها..

قلت ياروحي:

وشوقك وين..؟؟

قالت شوقي تنهيده..

في ضلوعي العوج اخبيها..

اخاف الضلع يتكسر..

وبعدها جروحي تتبعثر..

وأحتار كيف ألملمها..

وأرتبها..

من الأصغر إلى الأكبر..

وسألتها ياروحي:

وأن غيابه طال

قالت :

غيابه خنجر في صدري..

يطعني..

وتدمي عروق القلب..

وتتألم..

وعلى الذكرى..

تزيد الآه..

وحتى الآه تخنقني..

تخنقني

تخنقني

تخنقني

بإختصار

غيبابه موت يتكلم