مواضيع اليوم
غير جفاك شن لقيت
غنيتــــك مقــاطـع من درر
هديتـــــــك روائــع من زهر
سطّرتَ في عشقك سمر
طلّعتَ فــــي ليلك قـــمــر
غيــر جفــاك شن لقيت ؟
حتى النجوم الراقصة فــــــــــي سماها
أديـــــتـــــا هــواك سكّنــــتـــك معــــاها
قايـــــلك جـــمــــيــــل بتــعشق صفاها
وقـــــايـــــلك حنيــن بتــــعشــــق رؤاها
كــل القصايد شافت عيونك قالت غناها
لبـــــستـــك محــــاسـن .. لقيتك بلاها
غير جفاك شن لقيت ؟
فاكر لما كُتَ في نص الطريـق ؟
واقف بـــراك لا حبيب لا رفيق ؟
دفرني لــــــي ريــــدك نـــــــوى
شِلتَ خُطايــــــا جيــتك للهوى
وصفتك .. معالم شوق أريحيـة
ومداين ريد .. في ضفة نيليــة
كتبتــــك .. فواصل غُنيـة حبية
لقيــــــــــتا في جواك مرثيـة ؟!
غير جفاك شن لقيت ؟
ما زمان كنــت الميــــــسم للزهــــور
وكنـــتَ زي عصــــفـــوراً في البكـــور
شايــــل فــــي كل صباح رقة شعــور
عـــــامــــل تــــقيـــــل .. زايـد غرور ..
ســـــــــارح بعيــــــد .. ناسي البدور
قايــــــــل السواقـــــــي محال تدور !
ولما انفكت عواصـــــف هاجت بحور
هـــــــدّت خـــطـــاك كــــل الأمـــور ..
سالت دمــــــوعك .. فاضت بحـــــور
زادت مـــــــواجعك .. امتـدت دهــور
لأنــــــــــــك مخــــــــــادع دايماً تجور !!
ولمن غابت شموسك .. واختفت بدور
تـــــصـــــرّح بأنـــــك جــــاي للسـرور ؟
غير جفاك شن لقيت ؟
جاي تاني ليه ؟
بعد ما حطّمْتَ فيني الأمـــاني ؟
وسكّتا فــــــي جــوفي المعاني
وروّحتَ من شــعـــري التـــهاني
وحتى الكلام لا طراكَ لا طرانـي
ولما ابعد خُطاك .. ألقـاكَ تاني ؟
جاي تاني ليه ؟
يلا أبعد مــــــن هـــــــواي
شوف ليكا عشــــقاً بلاي
يــــــلا أرحـــل مــن دنياي
يلا عدي خليني وشقاي
يلا ارحل خلاص أنا كفاي
يلا أرحل من دنيــــــــاي أنــسى
وشوف ليكا غير مرسايا مرسى
وأنا مستحيـــــــل لـهواكا ارسى
امكن يوم تغير .. وعلي تقسى
يلا ابعد خلاص
ما بتنفع دمــــــــــوع لـــو بكيت
وما بنفع جــــــذوع لــــــو حَبيت
وما بنفع رجــــــــاك لــو حِسيت
وماك البتجني رضاي لو شِقيت
اتذكر شــــقـاي .. أظنك نسيت ؟
في كــــل المقاطع بحبك غنيت
ليه بتقسى عليّ شن سويت ؟
اتذكر مـــعــــــاي وكتيـن قسيت
غيــــر جفــــاك أنا شن لقيت ؟؟
2004-abo ali
أضف تعليق
آخر الأخبار من إيلاف
من صوري
فيديوهاتي
التعليقات (0)