غباء أمني في شرطة حماس على معبر رفح..!

لما سافرت على تركيا وقفني رجل مباحث وما سألني ولا سؤال..! بس عرض عليا اسم واحد في ورقة صغيرة وقلي بتعرفه قلتله أه طبعا بعرفه، قلي وين هوا..؟ قلتله ما بعرف وين هوا..! قال بتشوفه؟ قلتله ما بحتك فيه كثير لأنه شغلي بغزة وهوا ساكن في منطقة ثانية..! ويمكن هوا أصلا ما بيعرفني لو شافني لأنه فيه فرق في السن بيننا..!
طبعا أنا كذبت عليه..! لاني فعلا بعرف الشب اللي عرض اسمه كثير، هوا ابن عمي وبعرف كل قصصه، وبعرف ليش بدهم إياه..! طبعا انا طلعت من قاعة السفر ومسكت التلفون وبلغت ابن عمي إنه هيك هيك بيعملوا وبيعتقدوا إنه انت حتسافر وحيمسكوك في المعبر، وبيبحثوا عنك..!
صار يضحك وقلي هدول ناس هبل..! كيف واحد مطلوب إلهم وبدو يسافر على المعبر..! ولو بده يسافر معقول حيستخدم نفس اسمه وجواز سفره.. أما تخلف أمني..!
حتى أنا بقول إنه حسهم الأمني ساقط لسبب بسيط، إنه كان من المفترض يناديني ويسألني أسئلة مثلا وين رايح ؟ شو بتشتغل ؟ وين ساكن..! ويسألني عن ناس بيعرفهم ابن عمي.. ويقلي شو بتعرف عنهم..! ومن خلال الأسئلة بيعرف إنه مش أنا الشخص المطلوب، وممكن يعرف معلومات عنه بطريقة غير مباشرة..! ولكن إنه يخصصلي اسم ابن عمي ويسألني وينه وشو بيعمل وكيف علاقتك فيه وشفته ولا لا.. ؟ فهذا هوا الغباء بعينه..!

بالنسبة لبكرة شوو..!