عينى يا ولدى

عينى على اللى كان انسان

عايش متهنى وحاسس بالامان

دلوقتى تايه مش لاقى مكان

مش عارف بكره مخبى ايه الزمان

عبنى عليك يا ولدى مطرود من دارك

ما تعرف تسوى ايه اتبدل مشوارك

عمك وخالك قالولك تعالى خد تارك

رفضت تغضب ربك وقبلت اقدارك

مالك كدا حزين تايه هتروح لفين

قلبك مليان حنين لاهلك وصحابك

انسى اللى كان وعيش خليك يا ولدى بعيد

سيب الدم والهم لصاحب النصيب

دور على اهل تانى دور على اهل بجد

الاهل مش بالأمانى دول حب من غير حد

وبكره يعدلها المولى وتقابل فيوم حبيب

اللى بحياتك اولى ويتوحشك لما تغيب

وسيبك بقى من زمان ومن الجرح اللى كان

وعيش كون انسان

صدقنى بأذن الله هتلاقى الفرح قريب

عينى عليك يا ولدى مطرود من دارك

متعرف تسوى ايه اتبدل مشوارك