مواضيع اليوم
عمال
عمال مصر " شعر نادر الأسيوطي"
الأوله آه والتانيه آه والتالته آه
الأوله آه علي كفاح السنين والشقا
والتانيه آه علي العمر الي عدي ومضي
والتالته آه علي غدر الزمان والعدا
الأوله آه علي عامل كفاحه كله ألم
والتانيه آه علي جندي وشايل العلم
والتالته آه علي اللي بالمستقبل حلم
الأوله بلدي والتانيه بلدي والتالته ولدي
الأوله بلد الكفاح من سنين بلدي
والتانيه بلد الحضارة والعلم عن جدي
والتالته بحلم بخير لبنتي ولولدي
الأوله جمل والتانيه عمل والتالته أمل
الأوله عامل صابر وصامد كالجمل
والتانيه كفاح وشقي سنين وعمل
والتالته باصص لبكره وكلي أمل
الأوله عدي والتانيه هدي والتالته بدي
الأوله عدي بحور المحن يا ريس
والتانيه تيار الغدر بيسيس
والتالته بدي مرتب حلو وكويس
الأوله بحلم والتانيه بحلم والتالته بحلم
الأوله بحلم برضا وراحة البال
والتانيه بحلم بوضع مالي عال العال
والتالته بحلم لمصر تتحسن الأحوال
الأوله بحلم والتانيه بحلم والتالته بحلم
الأوله بحلم بلم الشمل من تاني
والتانيه بحلم بزوال الغاصب الجاني
والتالته بحلم بقدس العرب راجعه من تاني
شعر نادر الأسيوطي
أضف تعليق
آخر الأخبار من إيلاف
من صوري
فيديوهاتي
التعليقات (0)