عصابة كوهين وراشيل كلاكيت تانى مرة

بعد فشل المهمة الاولى لعصابة كوهين وراشيل اصبح الحديث عنهم فى كل الجرائد والمجلات وكأنهم نجوم سينما ولكن ما كان يكتب عنهم وعن غبائهم جعلهم لا يرغبون فى الخروج من منازلهم حتى لا يسخر منهم الناس فظلوا فى منازلهم ,وبينما كان كوهين فى منزله يفكر فى حل حتى يقوى موقفه امام الشعب الاسرائيلى دق جرس الهاتف فرفع سماعة الهاتف وقال: ها مين خير.

فرد عليه المتصل: السيد كوهين معايا .

فرد كوهين :نعم عاوز ايه من كوهين? .

فقال له المتصل: انا نائب وزير الدفاع الاميركى جورج بمبم .

فقال كوهين فى ذهول :انت بجد, انت السيد بمبم دانا بشوفك فى التليفزيون ومن اشد المعجبين بيك.

فقال له بمبم : انا عاوزك فى مهمة يا سيد كوهين .

فقال كوهيم : دا انا اتشرف بكدا يا باشا اؤمرنى.

قال بمبم : مش فى التليفون كدا ,انت لازم تجيلنا امريكا انت ورجالتك النهارده وهتعرف كل حاجة.

فقال كوهين فى سعاده : وكمان امريكا ,اهى فرصة اسلم فيها على الست اولبرايز عشان وحشتنى .

فقال بمبم : الطيارة هتنستناكم فى مطار تل ابيب الساعه 4 بتوقيت تل ابيب.

قال كوهين/ اوكى يا معلم  هكون هناك , شالوم

فقال بمبم : هى عليه انا يا كوهين , شالوم ايه ؟

فقال كوهين: خلاص ياعم الى اللقاء.

فقال بمبم: شالوم.

بعد انتهاء المكالمة شعر كوهين بحالة من السعاده والفرح الشديد فهناك فرق شاسع بين الحال قبل المكالمة والحال بعدها فقبل مكالمة نائب وزير الدفاع الامريكى كان كوهين وعصابته مصدر إزعاج للجيش الاسرائيلى وبالذات بعد ما فعلوه فى رام الله كما كانوا ايضا يسخر منهم الناس ومن غبائهم ولكن بعث لهم أمل من جديد على يد الامريكان وقام بالفعل كوهين بجمع افراد العصابة واتجها الى مطار تل ابيب دون ان يعلموا ماذا سيحدث ولا حتى ماذا وراء خروجهم من تل ابيب.

وفى مبنى البنتاجون قابل وزير الدفاع الاميركى كوهين وعصابته  فتحدث لهم عن المهمة قائلا :

انت طبعا عارفين اللى حصل للرئيس بوش فى العراق وازاى الصحفى دا اهان الولايات المتحدة الامريكية وانا بقى عاوز امحى العار ده واخلى الناس تنساه.

فقالت راشيل : نخطفلك منتصر الزيتى .

فقال كوهين : لا لا احنا نخطف الرئيس بوش .

فقال وزير الدفاع : يا جماعة استنوا عليه افهموا انا عاوز ايه , النتم طبعا اكيد شوفتوا اللى اتذاع على الفضائيات وازاى الحيوان دا بهدل الريس بتاعنا وازاى ضربه بالجزمة امام كل المحطات الفضائية.

فقال كوهين : اه ا دا بوش اتبهدل خالص ومنتصر الزيتى عمل بوقه جزامة .

فقال وزير الدفاع : وانا بقى عاوز الجزمة اللى انتضرب بيها الرئيس.

فوقف الجميع فى ذهول وتحدث عفانياهو الى كوهين قائلا: جزم ,حرامية جزم يا عم كوهين هى دى العصابة بتاعتنا نسرق جزمة

فقال ميمون بيريز : انا مش معاك يا ريس كوهين انا ارجع بيتنا احسن .

فقال كوهين:استنوا شوية لما نشوف الراجل دا هيدفع كام الأول.

فقال الوزير : يا جماعة جزمة منتصر الزيتى اصادها مليون دولار .

فنظر الجميع الى بعضهم وكلهم ذهول ودهشة ثم قالوا فى صوت واحد"ايه مليوووووووووون دولار"

فقالت ليفتى : انت لو عايز مصنع الجزم كله هنجيبهولك.

وبعد انتهاء العصابة من دراسة الخطة التى وضعتها وزارة الدفاع الاسرائيلية طارت بهم نفس الطائرة التى نقلتهم من تل ابيب حيث وصلوا هذه المرة الى العرق , عندما وصلت العصابة الى العراق ذهبوا الى احد اصدقاء ليفتى وهو عباس الدميرى رجل التاريخ حتى يعرفوا منه اين الحذاءالمطلوب.

فاخبرهم عباس بالأمر : يا جماعة انتم فاكرينها سهلة كدا عاوزين تسرقوا جزمة الزيتى من  هنا بسهولة تعرفوا بقى انها فى متحف  اثرى تبع الشيعة , وبعدين انتم يعنى خلاص مافيش ادامكم الا دى ماتجيبولهم اى جزمة وخلاص ماهو كله شبه بعضه.

فقالت راشيل : الرئيس بوش وشه مكتوب عليه نمرة الجزمة وشكل الكعب بتاعها يعنى الجزمة علمت فى وشه واحنا خايفين نضحك عليهم يعرفوا ويموتونا.

فقال عباس : عشان خاطر الست ليفتى انا هقولكم هى فين بس انا ماليش دعوة بيكم انا عندى عيال عاوز اربيهم.

وبدا عباس بأخبارهم كل شىء يخص الحذاء المطلوب وكيف تقوم جماعة حزب الله بحمايته وبعدما وصف لهم المكان خرجت العصابة الى المتحف ليسرقوا الحذاء وكأنها ثمرة موز من فوق شجرة لم يهتموا بكلام عباس عن حزب الله فهم حتى لا يعرفون اصلا من هم حزب الله كل ما يعرفونه المليون دولار .

دخلت العصابة المتحف كزوار وعندما وجدوا الحذاء المطلوب اسرع كوهين نحوه ليحصل عليه وياليته ما فعل .

حيث انهال عليه الحراس بالضرب بالنعال وافراد عصابته يشاهدون المأساة ولكن راشيل زوجته لم تستطع رؤيته هكذا فجريت لتخلصه فضربوها معه ايضا بالنعال .

وقف افراد عصابته يشاهدون مايحدث له فى فرح شديد

 وقالت لهم ليفتى: يا جماعة لازم نعمل حاجة الراجل ومراته هيموتوا من كتر الضرب بالجزم .

فقال عفانياهو: يا جدعان البلد دى اظاهر كدا مدمنين جزم كل شوية يضربوا بالجزم ايه هو مفيش غير الجزم .

وقال ميمون بيريز :احسن, ماهما سابونا نضرب من الجماعه بتوع فلسطين .

وفجأة دخل رجال مسلحين المتحف وبينهم رجل لا يحمل سلاح يتبين عليه ملامح القياده

فقال الرجل مشير للحراس بوقف الضرب : سيبوهم , بقى انتم بقى عايزين تسرقوا الجزمة بتاعتنا .

فقال كوهين وهو يبكى : يا بيه انا ماليش دعوه انا اتطلب منى الجزمة وما اعرفش انها خطيرة اوى كدا .

فقال الرجل: انتم فاكرينها سايبه كل تلاته  اربعه يعملولهم عصابة ييجوا يحاولوا يسرقوا الجزمة بتاعت الزيتى , مستحيل هنفرط فيها دى اللى عملت لنا كرامه.

فقالت راشيل: بص يا ريس احنا هنعمل معاكم اتفاق انتم تدونا جزمة تانية شبه جزمة الزيتى واحنا نقول للامريكان انها هى ونبقى نقسم المليون دولار بس سيبونا.

فقال الرجل : طيب انا هديكم اتنين مليون وتدوا الجزمة لبوش وكمان حلال عليكم المليون بتاع الامريكان قولتم ايه؟.

فقال كوهين : موافق.

اثناء الحديث الذى دار بين كوهين وراشيل والقائد كان باقى افراد العصابة هربوا من المكان ولم يعرف اين ذهبوا .

اخذ كوهين الحذاء وشيك باثنين مليون دولار وذهب الى اميركا .

وفى مبنى  وزارة الدفاع الامريكية قدم كوهين الحذاء للوزير وطلب منه المليون دولار فاعطاه أياهم , وبعد خروج كوهين من مبنى النتاجون وجد انفجار مدويا فى المبنى وسمع الجنود يتحدثون : الجزمة اللى كان ماسكها الوزير كان فيها متفجرات واكيد القاعده ورا الموضوع دا.

عندما سمع كوهين وزوجته هذا الكلام اسرعوا الى المطار واستقلوا طائرة عائدين الى ديارهم وبعد العوده  وجدوا رجالهم فى الانتظار فقال كوهين : يا عيال سيبتونى اضرب لوحدى فى المتحف وقطعوا على دماغى جزمهم وانا اخدت تلاته مليون دولار ومش هدى اى حد منكم اى حاجة .

وذهب كوهين وزوجته الى البنك مباشرة لتحويل المبلغ الى رصيدهم فوجد المفاجأة حيث دخل عليهم موظف البنك قائلا : يا عم كوهين الشيك الامريكانى دا من غير رصيد , اما بقى الشيك العربى دا فاحنا مش بنتعامل مع جماعة حزب الله وملهمش حساب فى اسرائيل كلها .

فقال كوهين وزوجته فى ذهول "يعنى بمبه " وفقدا الوعى .

وفى اليوم التالى نشرت الصحف العالمية قصة العصابة و الحذاء وصور كوهين وراشيل وطلبت الحكومة الامريكية رأس كوهين وزوجته على مليار دولار.........

                     واللى اللقاء فى مهمة قادمة