عزيزى أولمرت ممكن تسلفنى أنبوبة بوتاجاز !!

فى العام الماضى وفى نفس التوقيت كانت هناك أزمة أنابيب بوتاجاز تضرب مصر وكان هناك جرحى ومصابين وتكررت هذا العام نفس المشكلة وفى نفس التوقيت ونتج عنها  هذا العام قتلى وقد أرجع السادة المسئولين ذلك إلى سبب كوميدى وهو  أن مصانع الطوب تأخذ الأنابيب مما يسبب المشكلة مع أن المصانع تعمل طوال العام بل ربما يقل إنتاجها فى الشتاء بسبب قلة الإنشاءات ولو قالوا أن إستهلاك المواطنين يزيد فى الشتاء لكان هذا مقبولاً وقد أرسلت العام الماضى هذه المشاركة وبنفس الكلمات ونشرتها جريدة البديل المصرية ولكنى أرسلت الطلب للسيد أولمرت رئيس وزراء إسرائيل وقتها وها أنا أرسل نفس الطلب ولكن للسيد نتنياهو ((  لأن أزمة أنابيب الغاز لن تنتهى إلا إذا شبع حبايب المسئولين من أصحاب المستودعات والمتعهدين ولا ندرى متى
سيشبعون ؟! لذلك إليكم هذه القصة .... قالت والدتى لزوجتى شوفى يا بنتى أنبوبه بوتاجاز سلف عند خالتك زنوبه جارتنا ثوانى ورجعت وقالت أنبوبتهم خلصت إمبارح يا خالتى فقالت لها طيب شوفى كده عند خالتك تفيدة ذهبت وعادت وقالت خالتى تفيدة بتعيط وبتقول والنبى يا بنتى العربية اللى بتغير الأنابيب أخدت الأنبوبة الإحتياطى من تلت أيام ودى أول مرة تحصل يظهر فيه أزمة فى الأنابيب الفاضيه وخايفه يابنتى يكونوا نصبوا علينا وأخدوا الأنبوبه .... وأنا جالس أسمع الكلام وح أموت من الضحك فقالت أمى إتصرف يا فالح فقلت لها وبعدين يا أمى أتصرف إزاى لو طلبت من - المش - مهندس سامح فهمى  - وزير البترول - أنبوبة راح يقول شوف لى واحدة معاك وقلت والله دى فرصة يا أمى إنى أطبع مع حبيبى ونور عينى السفير الإسرائيلى مش ح ألاقى حد ينجدنى إلا هو بحيث يبعت لحبيبى ونور عيبنى - أى والله بلغة سليمان غانم فى ليلى الحلمية - لرجل السلام نتنياهو  يبعت لى أنبوبة وأكيد ح يكرمونى فى السعر وآهو يا أمى اللى ييجي منهم أحسن منهم ولذلك أرجو من رجل السلام نتنياهو  أن يسلفنى أنبوبة
ولو كان عنده وفر يبعت لل - مش- مهندس سامح فهمى واحدة !!