عجبي يا أمي

 عجبي يا أمي"كلمات نادر الأسيوطي"

عجبي علي ابن عاق باع امه

باع بالرخيص وهوه ولا همه

نسي فضلها عليه عيني بالمرة

ما عنده ذرة من رحمة حلال دمه

عجبي علي ابن عاق يا ندامة

مريح مراته وعامل امه خدامه

له يوم دا ظالم والديه

النار تسمي عليه ويشوف عذاب يامه

عجبي علي ابن عاق ساب أمه

اشتري مراته وحماه كان عمه

الأم تشقي لأجل ما تربيه

عمللي بيه لكن الغدر في دمه

عجبي علي ابن مراته عامله عيانه

تدَّعي المرض ونهارها وخداه آه يانه

الأم تشقي وتتعب عشان خاطره

مراته ضحكي عليه والاسم انسانه

عجبي علي ابن بيتبري من أمه

يخدعك مظهره ويحلّي الكلام فمه

مسيره يوم ينكشف تبان خبياه

تقوله ياه..وتحذر الناس من سمه

كلمات نادر الأسيوطي"