عادي تموت شعوب من اجل حكام
وش عـاد باقـي ياعــــرب مأخسرناه
بغــداد راحــت وانتهــــت بعـد صدام
واليوم تونس تشـــتكي الظـــــلم والاه
ظلم الرئـيـس اللي غــــدرها ولا دام
وش حـيـلة اللــي مايكـفـر خطــــاياه
لأعــــرش يبقــى لـــه ولا ليــله ينام
والقاهــره تبكــي دمــوع المعــــــاناه
يومـين صــارت عندهـــم كنهـا عـام
هــــــذا مع حســني وهــذا من اعـداه
والمشكله في الشعــب لإطـــاح ماقام
وهــذا يبي ينهــب وتفكــــيرة أعمــاه
مايدري ان الشعـــب للأرض خـــدام
وأن جيت للســـــودان يأكــبر بلـــواه
مقــسمـه صـــــارت إلى عــدة أقسام
بالمختصر يعـــني مخطــط وشفـــناه
واضــح ولايحتـاج توضيـح واحكــام
خــذ المـــثل لبنـان حــزب المــوالاه
بينه وحــزب الله هجــران وخصــام
هــذا مــع أمريكــا وهــذا مع الشـــاه
لعبــة مصــالح واضحــه عبر لعـلام
ندري السبب ايران في كل ماجــاه
احيان احسه فارسي مو مـــن الشام
وما صار في صنعاء وكل ما رأيناه
إلا دليل الظلــم فــي حكـــــم ظـــلام
الشعب يشكــي قســـوة الظــلم والاه
دام الرئيس وقبضتـه قبضـة إعـدام
وش عاد باقي ياعــرب ما خسرناه
عادي خسرنا شعب من أجل حكـام
الشاعر فيصل المريسي
التعليقات (0)