طب من بقك

زي طرف خيط تشده
توب قماش كامل يكر
هي رجلك تيجي فيها
تلقى عمرك فجأة مر
... لجنة شفوي لجنة عملي
ساعة كر وساعة فر
خطوة بتشدك لخطوة
غصب عنك زي قطر
أعمى ماشي ف خط سيره
مرة جري مرة زك
ماانت طول عمرك بريمو
يبقى لازم تبقى دوك
بس صدمة بعد صدمة
تبتدي ف نفسك تشك
هو كان صح اختيارك
ولا م البداية عك؟
أصلك انت
لا انت عايش
لا انت ميت
لا انت حر
لاانت سامع كلمة حلوة
لا انت ظاهر جوه "كدر"
رغم انك في الكوارث
صاحي والمخاليق نيام
تبقى وسط العاركة حاضر
والضمير شغال تمام

بس خد بالك يا دوك

"انت ممنوع اعتراضك
انت قيمة ماتتوصفش
أصل الطب مهنة سامية"

هي سامية مابتاكلش؟!!
سامية صامت لما عدمت
جالها سل وفقر دم
أصل بردو الانسانية
شئ ضروري تلاقي مم
شئ ضروري تلاقي بحث
شئ ضروري تلاقي علم
لو بتنكر حقي يبقى
قول على الطب السلام
طب من غير اهتمام؟!!!!!!
طب من بقك يا عم