ضيقة خفوق

يني من الضيقه متاهات وادروب + والصبر قدّم لي يبرر عذرها


اتعبني خل(ن) ممتلي فعله عيوب +والنفس ملت يالغلا من صبرها


تدري باني امن الغلا ذايب(ن) ذوب+ والنفس بالغيبه تزايد قهرهاا


رحت وتركت القلب والحال متعوب +والروح ما تقوى تحمّل عمرها




العين تذرف هامل الدمع مسكوب +تشكي عذاب الليل ويّا سهرهاا


ضيّقت صدري ومنك الحال مقلوب+ حسبي على اللي سنين عمري دمرهاا


اتذكر ايامك بكل هبة هبوب +واذكر ليالينا وضحكة قمرهاا


الله حسيبك يا كثر ما لك ذنوب+ والروح منّك عند ربي خبرهاا


ذقت المرار بكل كاس(ن) ومشروب + من ايدك اللي قدمت لي نهرهاا


شفت بعيونك غدْر..طعنات وكذوب+ وكل ما خفى جاني بطلعة فجرهاا


مادمت منتا لي بالاقدار مكتوب+ وش له اكون الغيم وانته مطرهاا؟؟!!!


بس البلا لا قلت انا عنك بآتوب + تصيح فيني الروح .. تشعل جمرهاا


اشرَقت شمس البعد واجبرها الغروب + واسدَل ستار النور شاطي بحرهاا


اهديتك اسنيني وعمري يا محبوب+ وقتلت نفسي وعظم الله اجرهاا


جرحك برده وردلي كل مسلوب+ ولا عاد تسترجع سنيني وصورها

وعهد(ن) علي لتجيني بيوم مغلوب +وتبكي عليك الباديه مع حضرها


وعهد(ن) علي لتصير عبره بكل صوب + وتعرف مع الايام نسمة وقدرها