صوم مقبول

 صوم مقبول"شعر نادر الأسيوطي"

ندعي ونقول

صوم مقبول

افطار وشهي

لو حتي بفول

لكن بشروط

والكل منوط

لقبول الصوم

بيها مربوط

اخلص ف النيه

ما تبص لدنيه

قرب من ربك

الدنيا دي فانيه

والشرط التاني

متكنش أناني

تحب مصلحتك

وتأذي ف التاني

اوعي من العين

شوف رايحه لفين

حُرمه وظُلمه

تنقص م الدين

كل انسان

مربوط بلسان

غيبه نميمه

ابعد يا شيطان

تاكل من طيب

ما تقولي طيب

شرط يا مسلم

ربك دا الطيب

قوم صلي قوم

دا شرط الصوم

يكمل ركنين

وتلاته يا قوم

بني الاسلام

ورسالته تمام

خمس اركان

ورابعها صيام

نرجوا من الله

ندعيه ف علاه

يقبل صومنه

وزكاه وصلاه