شو السبب بروفايل فيس بوك بدون صورة ؟

ليش فيه نسبة من البنات العربيات بيخافوا يحطوا صورهم على الفيس بوك، طيب مهوا نص الأجانب حاطين صورهم وبدون لا منديل ولا اشي، ولابسين شرطات وميوهات.. وما حدا لا بيسرق صورهم ولا بيطلع فيهم..!
بيجوز أي بنت راح تحكي إنه عيب أو حرام، طيب مهوا صورة الهوية بيشوفها مليون واحد، فأنا مش عارف وين المشكلة في إنه البنت ترفع صورتها على الفيس بوك، لاسيما إنه فيه بنات كثير حاطين صورهم وما صار فيهم اشي.. لا تقطعت رقابهم.. ولا انفضحوا.. ولا حدا سرق صورهم.. ولو حدا سرق صورهم شو بدو يعمل فيهم..؟ هل بدو يزورهم ولا بدو يحطهم خلفية لسطح المكتب ولا شووو..؟
كل هذا مجرد هوس ديني وخوف ما اله لزوم.. وعدم ثقة المجتمعات العربية والإسلامية في بعض..!

بالنسبة لبكرة شوو..!