شغل النت -فانتازيا مرحة

قاعدة ومتربعة ومجعوصة على السرير
قاعدة ومتشيكة ومتولتة وعلى سنجة عشرين
وحاطالى ال ايه الكمبيوتر أدام السرير
وفاتحالى الماسنجرات وعملالى كل واحد سبحة من تلاتة وتلاتين
وفتحالى واحد هوت واتنين ياهو آه يامسكين
وتفتح ده وتقفل ده وتقلب فى ده وده زى العصافير
وهى داخلة مستخبية ومش باينة للغافلين
تصطاد كل يوم المراد واحد ولا اتنين ولا حتى عشرين
هى وراها حاجة غير شغل النت واللعب على المساكين
كل واحد تكلمه بحكاية شكل
وهى معلماهم زى الكتاكيت
وحاطالى صور متشكلة زى العفاريت
وتتكلم مايك بميوعة وشوية أغنات محفوظين
يعنى تتكلم بالاغ وممكن بالواو والسيم
تسمعها تقول عليها كروان طازة طالع ورا العصافير
ولو شفت شكلها تقول ياحفيظ يا رحمان يا رحيم
ماهو لو كان فيها الخير ماكان رماها الطير
تقولى حرام عليك ياسعيد ماهو ممكن الطير هو ال رماه الخير
اقولك ممكن بس ده مش يقين
وقاعدة وفرحانة باللمة حواليها
وعاملة انها مرجانة على بابا
وهى مش راضية تفهم انها أم اربعة وأربعين