شعر - صوت الأغلبية الصامتة

أخترت ليك يابنتى
كى لاتتعبى وتحتارى
أخترت ليك سيد الناس
ليسكن قلبى وجوارى

ليه يا ابوى ظلمت هواى
وسحبت منى أحلامى
حبيته من زمن بعيد
بدون ما أنادى يسمعنى
وديما فاهم مناجاتى

يابنتى
أنا عارف إحتياجاتك
وطلعت منى كلمة خلاص
ومابقدر أرجع فى قراراتى
ااااه يا ابوى خلصت على
وحرمت روحى إحتياجاتى
وطيرت قلبى بعيد
سقيته سنين بدمعاتى
واعيش باقى العمر حسرة
وفى الظلمات أسترجع حكاياتى
لكن وعدى ليك ابوى
مصيرى محال يصبح
مصير واحدة من بنياتى
لانك دفنت أحلامى
وكسرت كل مناجاتى
فرحل عنى بعيد
ومعاه كل نبضاتى
وتراك فينى فراغِ
مليان ببكاى ودمعاتى @@

احمد الحسن