شاركوني الوصف فقد تاهت بي الكلمات

شو الي عم بيصير في غزة ونابلس وجنين

قتلوا الاطفال قتلوا الناس واحنا بعدنا ساكتين

ما بكفينا ستين سنه واحنا ضايعين

ستين سنه مهاجرين وسمونا لاجئين

او احيانا بسمونا نازحين

واذا بتسأل عن العرب..."هم نايمين"؟

انا بقلك ..لا مش نايمين هم كتير صاحين

بس العروبة صارت في اسفل السافلين

- مش معقول طب ما هم عشانكم دايما معتصمين!

- لا ما تصدق هم بطلعوا وبعملوا حالهم متضامنين

اذا بدهم يعتصموا فهم بغير التصريح ممنوعيين

ولما يعتصموا غير صور رؤوساهم وحكامهم مش حاملين

واذا اذا نزلت عليهم نخوة السابقين

بصير التكسير هدفهم واسمهم المخربين

وبنسوا انو في قضية اسمها فلسطين

يا اخي الرسوم الي نشرها الدنماركين

عن رسوم العالم محمد الكريم

ما هزت فينا مشاعر العرب والمسلمين

عشان هيك استوطى حيطنا كل الاوروبيين

وبلشوا ينشروها بدل المرة عشرين

وامبارح على الجزيرة طلعت وحدة من الامريكيين

شككت وسبت على الذات الالهية والقران الحكيم

وغلطت على الاسلام والقران وحكت عنا متخلفين

ودينا وعقيدتنا خلتنا مكروهين ومنبوذين

يا اخي سمونا دول العالم الثالث الجاهلين

والمشكلة انو نفطنا وثروتنا خلتهم من الاولين

احتلوا العراق بلد الحضارة والعباسين

قال بدهم يعلموا الحرية والديمقراطية للعراقين

- وشو كمان عملوا ولاد الملاعين؟؟

ولا اشي... بس قتلوا الناس مسلمين ومسيحين

وعملوا فتنة بين السنة والشيعين

ونفس الحالة صارت مع اللبنانين

وحمساوية وفتحاوية صاروا الفلسطينين

- ولوووووووووووووووووووو

كل هاد صار وانتوا قاعدين؟؟

لا واكثر من هيك خلونا صفين

صف عنوانه واسمه المعتدلين

والصف التاني الاسلامين المتشددين

وهذول نفسهم الي بسموهم الارهابين

-عصب الاخ ونزلت دمعتين

ضايل شي كمان كلنا هون سامعين؟

- لا... هاي هي قصتنا بكلمتين

والي بحب يضيف يا هلا ومرحبتين

خلينا نعبر عن حالتنا ونشوف وصلت لوين

بلكي احنا والجيل الجديد بنعمل التغير

وبنصيرامةجديدة بهمة الملايين

احترام...وحب..وتعاون..وسلام..وكلنا موحدين

نصفي النية وندعي لامتنا ونحكي امين

ايدينا بايدين بعض واكيد معنا رب العالمين

ملاحظة:كتبت هذه الكلمات من حوالي سنتين