سياسة 2013 حتى 2050

 فصحى....
....غاص في الكرسي
....إبتلعه الكرسي
....أدفأه الكرسي
....فنااااااااااااااااااااام
......غاص كما غاصوا
......لاص كما لاصوا
......إحتاس كما احتاسوا
.....فنااااااااااااااااااام
عامية:
....نام زي ما ناموا
.....فرأى رؤيا في منامو
.....خير اللهم اجعله خير
.....إن الناس في جنينه
.....والدنيا زي الفل
.....قاعدين وبياكلوا لحمه
.....ولا فيش زيطه ولا زحمه
.....والأرض فارشها نجيل
.....وشجرها كله مليان
.....منجه وتين ورمان!!!
..........
....وقال إيه أنا راكب بغله
....بيضا وراسها تفاحي
....ودي طبعا ثمره لكفاحي
....ومعايا احمد حداد
....ماسك مدفع رشاش
وبحارب أخويا ف بغداد!!!
........
..... لكن خللي بالك
......زي ما قالت نينه
.....إللي يحلم بالليل
.....إنه بيركب خيل
.....الصبح ويلاقي نفسه
.....واقع من فوق الكرسي
.....ورقبته في حبل طويل
.....متعلق على خشبة راجل
.....بيقولوا عنه عشماوي!!!
..........
....إلمغدور كان غاوي
....يسمع ف الراديو غناوي
.....من كل بلاد الدنيا
....بيقولوا فيها كلام
.... كلام كله فاضي
....بكره تلاقوا العيش
....متوفر والياميش
....إبسعر الباتنجان
...........
...لكن بكره بييجي
....ومعاه حسرة وندامه
...عاللي كان واقف
....في ميدان شبرا والعتبة
....باع الأرض وقال جاي
....عشان يتملك ترماي!!!
......
...أصل بلادنا دي فيها
....شعب اسماعيل ياسين
....وكمان ابو لمعه الأصلي!!!!
.....
.....بيقولك قال إيه؟ دا سلام
.....والأيام ثبت لك
.....إنه مجرد أوهام
.....صاروخ ينزل على راسك
.....تصحي على طول م النوم
...مفزوع وعينيك تفركها
...برضه ماتشوفشي حاجه!!!
.....
...هوانت كده مشفاكر
...إن الخرطوشة اياها
...خدت نورها يوم الاربع
....ساعة ما كنت بتطلع
.....كوبري التحرير العالي....
......
....في رأيي كنت حمار
....وبتحلم بالخرافات
.....وفاكر إن اللي جاي
....أحسن م اللي فات!!!
.....
....أتاري عمك أحمد
...تمام زي الحج احمد!!!
........
....إسمع مني ما يفيدك
....أحسن تبقى طرطور
....اللي يتعلم من غلطه
....يسلم من أي مصيبه
....واللي ينسي اللي يصيبه
....ينصاب تاني المغرور
....ما دام بيتك مستور
....إنسي كل اللي فات
.........
....واستني لما يقولوا عليك
.... الله يرحم روحه
....مات وهو بيحلم
...وعرفتوا ازاي انه بيحلم؟
.....من تكشيرة وشه
....لما حلم بالحلوة ...
....ولقي المرة موجودة
....في سطل العسل الاسود!!!
..........
....والخشنة لقيها في الناعمة
....والسوده لقيها في البيضة
....ما فيهاشي بياض وصفار
....ولا حتى فيها كتكوت!!!!
.....
....ياحزنك يا بو عربي..
.....إدعي معايا طوالي
.....أو قول آمين آمين
.....ألله يخرب بيتك
....ياللي انت في بالي