مواضيع اليوم
سياسة امريكا"نادر الأسيوطي"
سياسة امريكا "كلمات نادر الأسيوطي"
سياسة متمنهجه دا شغل أمريكا
المصلحة همهم وكلامهم بوليتيكا
المنفعه أمهم وأبوهم الثروة
ويا ويله اللي يخالف أوامرها وعاديكا
ويّا الغني سياستها لين وتمحيكا
لغاية متاخد غرضها والله مايوريكا
ولما تقلب تلاقي ألوانها اغمقت
صوت المدافع يلالي تقولش مزيكا
تبان رحيمه وفي الجهر تديكا
لكن بشرط ماتفتح بفلوسها فابريكا
بحتر وشحتر وتديلك كمان وكمان
وسيرتك علي لسانها عاملاها مستيكا
وساعة الحساب هباب حضرلها الديكا
فوايد ومتركبه ومتضخمه وسميكا
تخدها حديد ونحاس وبترول وكرمتنا
ولو ف يوم تعترض ما تلقي اللي يحميكا
لابسالك ألف قناع والف بوريكا
لكل حاله قناع ترقصله ع السيكا
فكر وسياسة يهود رسماها
البطن "اسرائيل" والوش امريكا
كلمات نادر الأسيوطي"
أضف تعليق
آخر الأخبار من إيلاف
من صوري
فيديوهاتي
التعليقات (0)