سهرنا زمان الآن نوم نوم

 

 

بسم الله الرحمن الرحيم

سهرنا زمان

الآن نوم نوم.

...............

مثنى ..صباح الخير ...

حسين صباح العوافي ..صباح الخير 

مثنى ...فدي صباحك وحسين نمت البارح ولا لا ..

حسين ..نمنا قصدي قنعونا ننام 

مثنى... ومن قنعكم تناموا شيء نوم يجيئ بالقناعة .

حسين ايوه ...أجتمع بناء مندوب من المجموعات امداعمه وهات يا محاضرات على النوم ...

مثنى ..يا حسين عيب عليك أيش هذا الكلام المجموعات امداعمه بتوزع كباش عيد مش نوم .

حسين ...لا لا ومثنى قدهم بيحاضرو من شان ننام نوم نوم 

مثنى ...أهييييييي أهي قد تطورت أمجموعات أمداعمه قدهية تدور في أمشوارع وأمزقه توزع أمنوم على أمجانيين أكيييييييد في سر زمان كانوا يوزعوا السهر يقول لا تنامو لعاد يسرقوا استقلالكم باين عليهم مشتركين مع أمسرق .

حسين ...سرق أيش يا بوك عراك ليه  أنا فدو فدوك ذا كان زمان الآن نوم نوم .

رع رجولي قدهيه ترتعش من كثر أم نصايح حقوتهم جالسين فوق أمكرسي وزاقرين أمجرفون ودددددددددددددد لما سقعين مصافيحي وعاد أمخبول كبيرهم يتحركش بنا لما نعطف رجولنا ولا نتحن حن يصيح الله يستر ..

مثنى... يصيح على ايش .

حسين.. على امتفنصاع حقنا يشتينا نوقف زي الالف وسط أمحر ومشمس .

مثنى ...وسكتت له .

حسين ..لامانا شيء ساكت له  قدك بتعرفني ومثنى رعني هزيت طولي ورفعت يدي .

مثنى.. ايوه ..وأيش عملت أكيد سمخت أبوه سمخة على أمرقبه لما طار من فوق أمكرسي ...

حسين ...كنك تباه يقتلني ومثنى ورأه  ثلاثة حراس يا بوك ما ضاهر إلا عيونهم مع امسلاح أمباما الواحد تقول لا تلو  

مثنى ...أهي أهي  أوباما وحسين ,من متى كان أمخير معه آلي ,طيب أيش عملت نشفت ريقي  .

حسين أيش عملت هههه أيش ..عملت, ذكرتني رفعت صوتي بقوه وقلت يا سيدي وآسيدي وآبو بدله مليح.

بيني وبينك يا مثنى معه بدله من حقوتنا زمان كنه ذكرني بامسييلي لما كان يجي لما عندما في الزعفران يتمشى ويشرب أمشاهي أملبن ...والله انها عجبتني  .

مثنى أمبدله ...وامرجال عجبك .

حسين لا ولاه ما عجبني جالس ينفخ نفيخ تقول ثور أسباني كنه يشتي يناطح ..

مثنى ....ههههههه أيوه أيوه وأيش قلت له .

حسين ....قلت له سيدي واسيدي رعني دلعته لا عاد يقطع على عيال خوتي أمدعم ذي يندي لهم كل عيد ...

مثنى ...يوه وأيش يندي لهم من دعم طلعت انته مستفيد ..

حسين ...قطمه رز من المنفوخ وكيلو سنكر ودبه زيت صغير أبو لترين وجماع حبوب عدس ...

بالمناسبة يا وليد ما دريت العدس أرتفع يا وليد  في رمضان خس من أمدولار أمانه تحقان نتحقنه من بيت لا بيت دوار ..

مثنى .....أوه أوه أوه ليش خاف أمجماعات أماسلاميه تستخدمه في أمتفجرات ولاشي كما أمحلبه وأمشمه أميمنيه ....

وأيش قصة أمحلبه ذي وأمشمه .

مثنى ...زقرو أميهود أميمنييين لما هربهم امزعيم أميمني   إسرائيل بمطار عبر بوابة الأمن كان الجهاز يصيح مره وثنتين قاموا دوروا في أمشناط مالاقوش شيء قام أمخبر أمسري شك في كيس عاينه كان به شمه وحلبه شمي الحلبه هزي راسه وجات أمشرطه اميهوديه  زقرت اميهود اميمنيين  ومعاهم جواز دبلوماسي يصيحوا على أيش ما معانا شيء قال امخبر هذه مادة تدخل ضمن تصنيع أمتفجرات ,وهات يا تحقيق مع زعيم أميهود أعترف أعترف أكيد أرسلك أمزعيم أميمني تفجروا أمزعيم أميهودي وهم يصيحوا بصوت واحد ..حلبه حلبه.. شمه شمه ..لما طلعت ارواحهم .

حسين ...فكو لهم ..

مثنى ....يه واحسين لما جابوا عينه من امسفاره اميمنيه في مصر قارنوها طلعت حلبه حلبه وشمه شمه.

هيه كمل قصتك مع امثور قصدي اممرشد .

حسين ...قلت لك صحت بأعلى صوتي سيدي واسيدي ورفعت يدي وذا مرجال نتفخ نفخ ولفت نحوي كنه يبا يأكلني  قلت له هي سمع واسيدي قد طرحنا لك امكرسي وامضلاله وعادك تبا تحارفني على امشمش ذي انا واقف تحتها هيه خير الكلام ماقل ودل قل وحنا نستمع لك خارجنا .

بعدين ومثنى سرد وسرد وشرح وشرح لما تسمرت في مكاني ...

مثنى ...وايش كان بيقول ...

حسين قال ...قررنا ان نشكل فرق في الحواري ومشوارع وبانروح لكل بيت ومقرى نشرح للمواطن ان يهدى وينام ولا يقلق من امحمى هذا اجراء احترازي لأجل التعود على امصايب وأختبار القوة والإرادة والتحدي لشعبنا وزيما عملنا زمان من تقشف وصبر وتخفيض رواتب لازم نتحد الآن ومخبره صحاب مطلع قالولنا ان صبرتم وتحملتم لا تقلقوا بانعطي لكم دولتكم وبانزيدكم فوقها قليل حق امعرفه ومصبر ومأخوه .

مثنى ...جني بزك هذا كلام ما يسبر كنهم يبونا نعاج يقودونا وهات يا جزارها من على شق وطارف 

حسين أنا الصراحة اقتنعت واعجبني كلامه لانهم مامعي الا اقتنع وانا من جيز النيام  ...وزيد لما قال عشرين يوم أمهلونا وبا يجي أمبرود بايخليكم تتوسلوا نجيب لكم دفايات وبدل أمكباش حق أمعيد الي نجيبها تترجونا نبدل بدلها كنابل ومطراريح .. تقول كيف حسبها ...

المهم أنه اقنعني أنام نومة العوافي وحقي بايجيلي بارد مبرد زام معنا مثل هذه اموجوه.

  بايجي.. بايجي امستقلال وعينك ما تشوف إلا النور ...

مثنى ....لا واحسين رع أمحمى لحس لك عقلك أول سهر بعدين نوم حمى وبرد برد وحمى موز موز ابونقطه ...

اسمع يا وليد  شيء شفت لنا صاحبك جندب وأين جاء رعني قلق عليه رع امخبول بايحنب لنا حنبه ما بعدها حنبه وباين عليه با يعصدها عصيد رع أمجماعه باين عليهم بصدقوه ..

حسين... اتصل ايوه.. جندب اتصل وقال شعني عصدتها بس ما ناداري ايش من عصيد وايش قصد ...

بسام فاضل 

12-7-2016م