سلف ودين

عايشنها سلف ودين

علشان خاطر عز وابو العنين

وزيهم كتير تانيين

خليهم هما هايصين

واحنا يدوب ميتيين

ناكل يومين

ونجوع شهرين

بس هما يبقوا مرتاحين

وعننا راضيين

عجبي عليك يا زمن

لما يبقوا دول فينا متحكمين

احنا المصريين

اللي آسينا كتير

واستحملنا ظلم كبير

ولا عمر واحد فينا كان آسير

حاربنا كتير سنين

ملوك ومحتللين

ودايما كنا منتصرين

ولا ابدا كنا محتالين

راضيين وعايشين

لكن كفايةكده بقي كتير

كل واحد ينهب ويطير

واحنا ايه دقين عصافير

عمالين نفرط في الخير

اللي رايح علي طول للغير

وهيص يا ابو الخير

وبيع يا عم بدير

كل كل الخير كتير

دول شوية طراطير

واظاهر مالهمش كبير

لغاية امتي يا مؤمنين

ها نفضل كده متاكلين

وعن حقوقنا ساكتين

وبالفتافيت راضيين

وعلشان خاطر مين

واحد ولا اتنين

عشرة ولا عشرين

ينهبوا بالملايين

لا والعار انهم مصريين

مش محتلين

طب وباقي الجعانين

الشرفا المصريين

عايشنها سلف ودين