سقى الله ايام زمان

سقى الله ايام زمان

نشر هذا المقال في العدد 74 من مجلتنا التربوية مسيرة التربية الصادرة عن الادارة العامة للعلاقات العامة والدولية وزارة التربية والتعليم العالي الفلسطينية للكاتب التربوي العطاصيدي عمر عبد الرحمن نمر ابو علي

مع تحياتي عوني ظاهر

وهذه طلعة انشدتها انا  عوني ظاهر مستلهما لاهم المصطلحات التي ذكرها الاخ عمر

ساق الله ايام زمان ...قال النمر عبد الرحمن
كان التعليم سلاح .... هيك قال الفلاح ....

والي يفك الخط امليح ... بودع للامية
ساق الله ايام زمان ...قال النمر عبد الرحمن

 انتبهوا يا اصحاب ....بيي يقرا مع الكُتاب ..

ولما يختم للكْتاب ...تسمع طَلقات المدفعية
ساق الله ايام زمان ...قال النمر عبد الرحمن

ولم يفك لِكْتابه ... صار يقرأ للمَكْتوبه ...

ويدْلل بين إصحابه ...و زادوا القراية إشوية
ساق الله ايام زمان ...قال النمر عبد الرحمن

ولي بوخذ المترك ... للعلم عمرو ما يترك ... 

طواله وظيفه بمسك  ...ومعاشو وصل مية
ساق الله ايام زمان ...قال النمر عبد الرحمن

طالب بين لبنوكي ..  معلم بقبض من لبنوكي

ما عاد لبس الكاكي .....لبس بدله كحلية  
ساق الله ايام زمان ...قال النمر عبد الرحمن

التلميذ حلق  ع الصفر ..وما ظلش براسو شعر ..

ولمعلم لانو كبير .......غرة وحلاقة فرنجية

ساق الله ايام زمان ...قال النمر عبد الرحمن

يطلب احلى البنات ...وامو تلف القريات ...

 وتكسرباسنانها الفولات ...الكاري طلب  لبنية ...

ساق الله ايام زمان ...قال النمر عبد الرحمن

باع البقره وباع التبنات ..بدو يحوش مصريات ...

يحول الدينار مركات ...والشهادة  المانية

ساق الله ايام زمان ...قال النمر عبد الرحمن

كتب بقلم رصاص ...  وبالنكسه ضرب إلرصاص

و الاحرف مرصوصة إرصاص ... ع السطراكتب يا إبنية

ساق الله ايام زمان ...قال النمر عبد الرحمن

شكرا عمر عبد الرحمن .. بتذكرنا بايام زمان ...

 ايام النبعة والفدان ... كان الزلمه يسوى ميه

ساق الله ايام زمان ...قال النمررررررر عبد الرحمن

مع تحياتي الخالصة عوني ظاهر السبت 25/6/2011