سامحني يا موطني

سامحني ياموطني ولاتزعل اترجاك

وعذرني من انفعل عندي عتب وياك

خلصت عمري الك مابين موت وموت

وحبك كبل مشنقة بيهة الركاب تفوت

موت احمر انت جنت وحبك يفلش بيوت

ماجنت انت وطن يعني جنت تابوت

بس رغم كل الجرةقلوب شكثر تهواك

تعلكو بلمشنقة ومحد كدر ينساك

محتار بيك القلب يفتر نجم بسماك

لابيك يكدر يضل ولا يكدر الفركاك

والناس بمحبتك صارت وياك اقسام

شي خلصوهة حزن وشي خلصوهة احلام

وشي ماتت من القهر لان حكمتك ضلام

والحبك بلا طمع والما رضة يخونك

من كثر حبة الك نفذو بي الاعدام

منحقي اذن ياوطن اشكيلك احزاني

ما اكدر ابقة انتضر علجمر ومتاني

نفذلي بس هلطلب ياموطني اترجاك

خل ياخذون النفط بس رجع اخواني

.....................كتبت بقلمه الذي ابكي معه