زهرة عار على جبينكم

يا سلام عليك يا بلاد المغرب بلاد الشرفاء و الديموقراطية و التعددية
و غير لي مبغاش يقول باسم الله
واحد الليلة قلت مع راسي اجي اداك المسخوط و كون تسمع راه بلادك نوارة ومضوية بالشمع بالبلدي
و انت مظلمها
فيق شوية من القلبة
و شري ليك شي بوق ديال مولين دوا البرغوت و غوت وشيد بالتغيير و الانتقال الديموقراصي
و الله حتى بصح هادشي كامل غير هو قراصي باقي خاصو الرقبة و يولي قراطي
اييه كنت قريب نتيق مع انا نية الله و خبز ربي في طبكو
وخا اسيدي بنزكري تيقهم و الوديع هز البندير ووراه بدا يطبل و حرزني قالهم انا مول التاريخ و رمز من رموز الماضي و كلمتي هي اللي تكون و خا نهزو السلاح و نطلعو الجبل عاود و لكن هاد المرة باغي يطلع الجبل باش يحرر المغرب من كل شريف و نزيه و كل من ثاق بالتغيير
اوى اسيدي الله معك مادام شرفا دافلين في يدك
بغيتكم تسمعوني اسيادي نحكي لكم حكاية هي من زمن الماضي و لكن هي معانا في كل دقيقة
و حق بويا عمر طواع الجهالة الى قصتي حلف عليها سي حرزني مايسمعها
و زيدون قال باقي تحكيها نهرس ليك داك الفم
واك واك اعباد الله واش غير جي و كون مخزني
و الله الى كاينين شي وحدين ما جاتش معهم تمخزنييت
اوى سكوت شوية وبلا فرشة اداك المسخوط
اسي كوريط واش حنا دبا لي قال كلمة الحق ينوضو اجوردوي لو المخزن و
يقولو عليه شعبوي
و تهمة زوينة هادي
هادو كيفكروني في علال مول الكراج ديال استقلال
قالهم في اجتماع ديال حزب ال الفاسي هزو يديكم يا لي معا الملكية و لي ضدها ينزل يدو
اش خليتي ا با علال المخزن ما يقول اوى نقولو الله يرحمو باش البيجدي يقيلوني عليهم
اوى اسيدي هادي بنية من بلاد التمر و الحايك باقة في ميكتها و حاد النهار طاحو ستين من صحابها مرة وحدة .. تسليم لرياح هادي
و نوض قاليك لرياح ناس شربات حليب مسموم
بنت زكورة انسانة نية و تاقت ان المغرب تغير و زعمات و قادت مظاهرة و احتجات...........جاو صحاب الوقت و وليدات العنيكري
كلات الساطة و رفاقها قتلة لعصة و تعرات يومين في الكوميسارية و هي في الشهر ديالها
اوي هادشي فين وقع بالسلامة واش في المغرب الجديد
محال نت غير شعبوي
ووواك واك اعباد الله هادشي وقع في جامع الفنا
اييه ...
فين فشي حلقة؟
هادشي اسيادي وقع هاد العام في شهر ماي في كوميسارية جامع الفنا شي يضرب البندير ويلوز الفوق وشي مكالسينو على القراعي في لكاب
اييه
اسيدهم حرزني ماشي غير نتا لي كلستي عليعا ها هي شابة كاملات العشرين في الحبس كالست عليها برافو المجلس المخزني للكليس على القراعي ..
ماشي غير هاد الصبية لي خلاو دارها و حلفو الى حكموها وخى تنزل فيها اية ديال القرأن
ماكين غير
الحبس و العصى و فين ما شيدينا شي قحبة نسكنوها معك حتى تنازلي عاى الكرامة و تولي مواطنة صالحة
اوى دابا انا شعبوي ولي بغا يقولها يعاود
....للك
...زهرة عار على جبينكم يا المرتزقة الجديدة
و يا صحافيي جوج دريال
و يا مثقفي الصالونات المكيفة
و يا شيوخ دم الحيض و النفاس
او هادشي خانز و ريحتو وصلات حتى البرقعة و الفرنسيس
و حاشمو شوية ادوك ولاد