زجل فوق نافورة الحكومة المعدلة جينيا

2013-09-23 23:15:01

ياك عطيتوني التفويض
أنا مافيا تخلويض
خليوني ندير شغالي
فخاطري نشرب كاسي

واخا طير عليا نعاسي.
ها الحكومة المعدلة فجيبي
مانوريها غير لحبيبي و حبيبي.
عدلت شويا فليصانص
ناضو يحيحو كيلابيلانص.
هاداك شباط كثر علينا فالتلفزيون
فين ما داز حال فمو بلا ستاسيون
مايهمني واخا زاد عليا من المشاكيل مليون
ماعندوش السمعة اللي عندي ولو طارت معزون.
كولو ليه إيسد فمون
راحنا كلنا ولاد مخزون
كانرضعو من بزولة شعبون.
أنا الحمدولاه كي لهلال فالعيد
مايشوفني غير سيدك اوسيدي اوزيد اوزيد.
اللي ماعندو سيدو عندو لالاه
اواللي ما حتارمني مانحتارم باباه
واش فهمتوني اولالاه .
حنا دبرنا فالمقايسة
هوما خسرو علينا شغلنا بشي نداسة.
مانمشي حتانكمل شغلي سوا بالجهالة سوا بالكياسة.
كالو سيادنا اللولين :
بالسياسة بالسياسة
حتايدخل الصاري فترمة الناموسة.