مواضيع اليوم
روائع الشعر للشاعر حمد سالم بن حم
من أشعارهم:
الشاعر حمد سالم بن حم
الامارات
عرفت الشعر بالفطره صغير واعشق التلوين
ولالي في بحور الشعر ولاعرف موازينه
لعبته طفل في صغري و خذني دون ادري وين
ولافكرت ياتي يوم اقارن زينه بشينه
واقول الكم صراحه صدق تراني اكره التبين
تقل شخصين مختلفين بواحد الله يعينه
ورفض كلمة الشاعر ولا صدق الين الحين
باني لي كتبته شعر ولاكن من تلاوينه
بعضكم بايظن اني ممثل فتواضع زين
لاني قلت قول الصدق وكثير اصدق ناسينه
انا ممكن اكون اتقن طريق الصنع وتعدين
واغبط مهنة الصايغ جواهر تصنع يدينه
واحب اطوع القاسي ولا خليه لين يلين
واحب المعدن النادر وانا مخلوق من طينه
ولاني ماعرفة ارسم وان حاولت رسمي شين
عجيبه كبف يقدر شخص ينقل صوره ابعينه
رجعت الإرث اجدادي ولاعرف بديت منين
جعلت اسلوب لي وحدي بوزنه او تباينه
ومن حق الصديق الصدق يقول الصدق للغالين
حتى اليوم ساعي ماوصلت الفكره الزينه
أضف تعليق
آخر الأخبار من إيلاف
فيديوهاتي
التعليقات (0)