رسالة شاعر
انا ما اكتب عشان اصبح هذاك الشاعر المشهور
انا ما اكتب عشان البنت تقراء لي وتهواني
انا والشعر تجمعنا محبه واحترام شعور
ولا من جيت اكتب شعر يسابقني بديواني
عشقته من صغر سني وصرت بعشقته مجبور
واظن ماكنت انا مخطي يوم انه صار عنواني
عطيته معظم اوقاتي وصار لمهجتي دستور
بقى يبقى مع الاجيال وكم ماعشت انا فاني
كتاباتي عن التايه بويلات الاسئ مقهور
عن الغربه عن الفرقى عن الدمعه عن احزاني
عن الخائن عن التائب عن اللي ينتهك بالزور
عن الطفل البريئ اللي مشرد بين اوطاني
عن اللحظه عن الموقف عن اللي مايشوف النور
عن اللي من فراق امه يذوق المر ويعاني
عن اللي استعمرت ارضه وفي نفسه غدى مقبور
من الموصل الى غزه جيوش الكفر تلقاني
تفرقنا تشتتنا وحنا امة المنصور
صلاح الدين لو باقي من اللي يقهر اوطاني
من اللي من بعد بغداد ناطر ينتقيه الدور
اخاف الشام او صنعاء ومكه قبلة ايماني
كفانا ياعرب تنديد كفانا شجب يكفي زور
قتل ياسين في غزه ومات الدمع بأجفاني
وبعده ماتت الامه وكرسي للوطن مكسور
ومن بعد البطل ياسين مات النائب الثاني
وبكره ربما الشامي ومشعل منتظر للدور
وحنا ياعرب نجهل من المجني من الجاني
تخلينا عن المبدئ وضيعنا وطن وبحور
وضيعنا كرامتنا وصار الدم مجاني
كفانا لا متى واحنا نعيش بهالزمان غرور
وصرنا نأخذ الحكمه من امريكي من الماني
حثاله دنسو هالارض وزادوها بغي وفجور
وصارو في الجسد عله محدأ منهم هاني
من اللي مننا يقدر يتعدى حدود السور
انا مسجون في ارضي وبوووش الكلب سجاني
انا هذي احاسيسي من القيفان صارت نور
وانا واهل الرجاء ذقنا حلاوة طعم قيفاني
اسابقها تسابقني لقيت اني لها مجرور
بمعنى صح انا والشعر صرنا المجني والجاني
انا ما اكتب عشان اصبح هذاك بدفتره مغمور
وانا لحظة ندم .فرحة سعاده تحرق اوجاني
انا اخر حروووف المد حلمأ بالثرى منثور
انا هذا وانا نفسي كفرت بعالمي الثاني
فيصل المريسي
www.bh-vip.com/vb
التعليقات (0)