راودتني عن نفسي !

شفتها عصر بين المنحنى والغديـر
يلعب المعطف الابيض على قدها!
ماخذه من بياض الثلج شي كثيـر
والجواري تحيط بها وانا اعدهـا !
من أميرات غرناطة تدور لاميـر
وين تلقى الامير اللي على قدهـا !
كنها مهرة في منعطفهـا الاخيـر
ودها للـورى تنظـر ولا ودهـا!
راودتني وانا يمه عليهـا صغيـر
والحيا ردني عنهـا ولا ردهـا !
زملتني تحت ثوب الوقـار الوثيـر
وقطفت زهرة سنيني على يدهـا !
كل ما جيت أغطيها ببردة زهيـر
سلت الخنجر اللي راعني حدهـا!
قلت مشتاق لبيوت الحجر والحصير
ونافذة بيت لا طاحت محد سدهـا
وابتسامة تماضر تحت لفح الهجير
والعرق لول يتساقط علـى خدهـا
قالت اكبر وقلت لها ترانـي كبيـر
في عيون تبا موتي وانـا اودهـا!
وانتي القشة اللي لوسلمهاا البعيـر
كان حتى الجبال النايفـة هدهـا!


شكرا ً لشعرة الشيب الأولى !