دم العرب

اسف ورب البيت ماكـــان قصــدي
اجرح شعـورك يالعروبه اذا فـوت

لكــن انــا بســـئلك يابعــــد جبـــدي
يرضيك حال الناس في زحمة الموت

واوضاعهم صارت تردي تردي
والبيت الابيض يهدي الطفل باروت

استعمرو الاوطـــان وانــتي تهــدي
نبكي على البصره ونحزن على الكوت

يا انـــك ترخيهـــا او انك تشـــدي
يكفـي تعبنا بس في صمت وسكوت

كـــيفـــك اذا ودك تـــردي.. تـــردي
وان مابغيتي اجهلي مصدرالصـوت

اسف فديتك صرت خجـــلان حــدي
ضايق انا بالحيل والصدر مكبوت

يا انك تجـــازيـني او انـك تعــــدي
والا تحطيني بأ احظــان تابـــووت
دامي كسـير ودايــم الحــظ ضــدي
كـني مـــثل بغــداد والقلب بـيروت

اخبـــارهم صارت مجـــرد تحــدي
واصواتهم ضاعت في (اص) وسكوت

يلعن ابو شارون وسلمان رشــدي
هـــذاك الاول حـول القدس حانــوت

ورشدي بافكاره مرض حيل معدي
لا يعـــرف المــله ولا يعرف المـوت

كافـــر وملحـد لـيت مــــوته بــيدي
لأقطعه تقطــيع وشوته شـــوت

وش عاد باااقي لا مــتى تستعـــدي
وغــزه تنادي ياعـرب ردو الصوت

وحنا نطالعهــــا كما فلـــم هنـــــدي
تحيا بلا مئـوئ ولا ماء ولا قـوووت

واطفــالها تذبــح وانــــتي تعــــدي
وحــنا نفـــاخر بالكروزر وبالحوت

شلي يجـيب الهــم وشلـي يـــــودي
واحنا العـرب نحيا على ظغط ريموت

عـشنا وشفنا الذل مـن عهـد جـدي
نحيا على الذله ونمضي على كـروت

توقيعهـــا من بـوش الـى كل جندي
دم العرب ارخص من (الماي) والتوت

يا ناس ياعالم وياهــوه ودي
ودي نسوي شيء ماينفع الصوت

وأوضاعهم صارت تردي تردي
والبيت الأبيض يهدي الطفل باروت

فيصل المريسي